المشاركات

عرض المشاركات من يناير, 2025

الــجــزء 1 مــن قــصــة حــنـيــن فــي قــلــبــي❤️ 💓 أبــعــيــناك سـحـر أم انـنـي مـن الـعـاشـقـن❣️ في واحد القرية جات غير في الجبل معزولة على البشارية ناسها ناس بسطاء راس مالهم غير فلاحتهم او كسيبتهم هي منين كيكسبو قوت عيشهم قرية لي مزال ناسها كيميزو بين الذكر او الانثى فاش شي واحد من ناس القبيلة كيتزاد عندو ذكر كيحسب راسو هو الراجل الفحل او مكتقدو فرحة كيزرد او كيعيط على كاع ناس القبيلة من كبيرهم حت لصيغرهم اما الى ولد انثى كيكحل بالعمل كيحرر عليها عيشتها هي او مها لي ولدتها... هذا حال بطالتنا مسكينة من سؤ حضها تزادت في هذا القبيلة المنسية كيف كتسميها هيا او وليديها عندهم نفس العقلية لي عند ناس القبيلة باها محرر فيها عيشتها او معيشها بحال الذكر منها كلشي حرث او الخدمة في الفلاحة او تسرح الكسيبة حت من لباسها كيتحكم ليها فيه ممنوع عليها تلبس بحال البنات اما يماها مكتحملش فيها الشعرة وخا هي بنتها حقاش كضن بلي منهار جات لدنيا جابت ليها النحس معاها او بسبابها راجلها تقلب عليها او حقاش هوما مرضاوش بعطية الله او مكانوش من الحميدين الشاكيرين ربي زاد عطاهم اربع بنات حت ولاو مسمينو في القبيلة غير بو البنات بطلتنا عايشة عيشة ضنكة مع وليديها حت لنهار لي غتلاقى فيه مع البطل تما غتبدل حياتها او غتحيا انوتتها لي دفنوها ليها وليديها غتولي تحس حت هي بلي راها بنت ماشي ولد ربي خلقها بنت او خاصها تكون بنت شنو ذنبها هي الى ربي رزق وليديها غير البنات علاش هي غتخلص على حساب حياتها... وسط فيرمة كبيرة ديال اشجار الليمون متحدهاش العين في الشوفة مخلطين رجال او عيالات خدامين على راسهم ها لي كتعزل لليمون لي طايح في الارض صحيحة كديرها بحدها او المضروبة بحدها او ها لي كتعمر في صنادق او تمشي تحط في الكاميو لي واقف بعيد عليهم شوية اما رجال خدمتهم هي اعمرو صنادق او يشارجيو في الكاميو هذا الليمون كامل لي في هذا الفيرمة كيمشي لوزينات لي في المدن كيخدمو بيه منو كيقادو شلى حوايج من بينهم العصائر او المربى.. كانت طالعة في الشجرة ديال الليمون او السلة لي مقادة من سمار لاصقة في عنقها (السمار هو واحد النبات طويل كينوض غير في البلايص الرطبة بحال حدا الويدان او البحر غنحط ليكم صورة ديالو باش لي مكتعرفوش تولي تعرفو ) شادة المقص بيدها او كتقطف في الليمون او تحط في السلة حت كتعمرها او تعيط لختها تشدها من عندها هذا هو حالها ديما زهرها غير في تمارة لهي ولا خواتاتها ميجلسو ميعرفو راحة وخا امرضو كيعضو في الصبر او ينوضو هذي هي البطلة ديالنا حنين صبارة او قوية كضرب ثمارة لي كيضربو رجال او كثر غير باش ترضي باها او يقيلها من العصى هي او خواتاتها لي بالنسبة ليها بناتها ماشي غير خواتات حقاش ملقاوش الام لي تحضن عليهم او تحن فيهم كتعاملهم بحالي مرات باهم ماشي ماماهم. حنين بنت في عز شبابها يلاكي كملت 20 سنة قرات غير حت لسادس او خرجت اصلا باها بزز باش خلاها تقرا حت لسادس كون جات عليه هو متقراش كاع حنين بنت مقبولة في شكلها عندها حقها في زين او تقدر تكون زوينة كاع ولكن قلة الشي خلاتها متهلاش في راسها وجها كلو محروق بالشمس لون بشرتها البيض ولا كيبان سمر حقاش ديما برا الخيمة مكدخل من لليل لليل او ايديها قاصحين بثمارة لي كضرب عينها كبار او لونهم اسود كسواد حياتها فمها صغير او مزين ليها وجها ولكن ديما مشقق ليها مع العطش او الشمس شعرها طويل او حمر حقاش ديما كدير ليه الحناء او ورق السدر باش تبرد بيها راسها من حر الشمس لي كضل فيها شعرها ديما دايرة ليه ضفيرة او خشياه مع ضهرها باش ميبانش او كدير الترازة ولا الكاسكيط باش تبان بحال الذكر ولكن تعيا متخبي فورمتها لي عاطية لعين ديما فضحاها او مبيناها بلي هي بنت ماشي ولد حنين عندها 3 الخواتات صغر منها كلهم كيشبهو ليها سناء في عمرها 17 سنة او اميمة عندها 15 سنة او بهيجة عندها 10 الاب ديالهم هو جلول او الام ديالهم هي رابحة هذي هي العائلة ديال بطلتنا تعرفتو عليها... #يتبع…

إرسال تعليق
قراءة المزيد

قصة بعنوان : حــنــيــن فــي قــلــبــي❤️‍🔥 الــكــاتــبــة: خــديــجــة يـســيــر #قصتي__ممنوعة__من__النشر__ذون__علمي 🌸🌺تـــقــديـــم:🌺🌸 في غمرة الليالي الساحرة وبين زهور الحب المتفتحة، إليكم حكاية جديدة تتراقص على أوتار القلوب وتتسلل إلى أعماق الوجدان. هي قصة حنين في قلبي، تبوح لنا بأسرارها الخفية وأحاسيسها الجميلة. تألقت كلماتي في رسم هذه الحكاية الساحرة، التي تعكس ببراعة فنية وبأسلوب راقي تفاصيل الحب الذي يعتلي القلوب ويطغى على العقول. إنها رواية تأخذنا في رحلة من الشوق والشغف، تجعلنا نطوف في أروقة العواطف ونستشعر نبضات الحنين الذي ينبض داخلنا. في هذا العالم المليء بالتناقضات والتحديات، يبقى الحب هو الشعاع الذي ينير دروبنا ويمنحنا القوة لنواجه الصعاب. وبين أضلع هذه القصة، نلمس بين السطور نغمات الأمل والإيمان بأن الحب هو قوة لا تُقهَر ولا تنتهي. حنين في قلبي، ليست مجرد كلمات ترتسم على صفحات الورق، بل هي موسيقى تعزفها القلوب ورقصة ترقصها الأرواح. دعونا نستمتع سويًا برحلة الحب والحنين، ولنجعلها تعلو في سماء الأماني والأحلام. أعدكم بأن هذه القصة ستبقى خالدة في ذاكرتنا، محفورة بأحرف من ذهب ومنثورة كزهر الربيع. فلنستعد لاستقبال أجمل ما في عالم الحب والحنين، بقلوب مشرقة وأفئدة ملؤها الشوق والشغف. #قصة__تحمل__من__كل__فن__طرب:الحب__الشوق__الحنين__الغيرة__الهوس__الدراما__الاثارة والتشويق في انتظار تفاعلاتكم وانبهاركم بجمال هذه الحكاية الممزوجة بالحنين والعاطفة...

كاتبة قصص بالدارجة المغربية واللغة العربية الفصحى❤️
إرسال تعليق
قراءة المزيد